客家话老古谚语大全1

1、一年算得三次命，冇病也会算出病。

2、懒人自有懒人福，迟来食碗猪肉粥。

3、有钱婚姻早，冇钱等到老。

4、独墙难挡四面风，独柴难烧一锅红。

5、外甥系狗，食哩就走。

6、会划会算，钱财不断。

7、唔同人家赛过年，要同人家赛耕田。

8、君子不吃过量酒，正人不贪意外财。

9、丑人自有丑人缘，丑人也冇减价钱。

10、平生不作亏心事，半夜不怕鬼敲门。

11、滴水之恩，当涌泉相报。

12、一夜冇睡目，十夜补唔足。

13、有钱施功德，冇钱捡开簕。

14、唔使俉屙金屙银，就爱俉手勤脚勤。

15、养子要教，养老要孝。

16、有花唔怕冇盆装，有女唔怕冇婿郎。

17、看人莫短，讨食也有三年时运转。

18、朝里冇人莫望官，厨下冇人莫去钻。

19、跟好人，学好人；跟叫化，睡凉亭。

20、一好冇两好，两好唔到老。

21、求雨求个暴风雨；求子求个败家子。

22、一个唔当二人计，三人肚里一台戏。

23、瓜子.老婆.烟，唔好带身边。

24、一家唔够，三家来凑。

25、一个巴掌拍唔响，一只草鞋难上岗。

26、讲就讲，笑就笑，动手动脚冇家教。

27、死了张屠夫，也唔会食连毛猪。

28、有酒有肉接远亲，有灾有难喊近邻。

29、八十四，才来养生养个屁。

30、后生唔肯学，老里么安乐。

31、食唔穷着唔穷，冇划冇算一世穷。

32、近河莫枉水，近山莫枉柴。

33、人穷志不穷，蝻蛇脱壳变成龙。

34、人有面，树有皮，当面教儿，背后教妻。

35、油盐柴米酱醋茶，冇钱唔会到涯家。

36、两耳招风，恶过雷公。

37、地理先生冇屋场，算命先生半路亡。

38、子弟唔读书，好比没眼珠。

39、子女满间角，唔当老公一只脚。

40、食唔穷，着唔穷，么划么算一生穷。

41、开店三年，猪狗欠钱。

42、食肉唔当养肉，看戏唔当听曲，听曲唔当睡目。

43、田螺唔知督上皱，狐狸唔知尾下臭。

44、嫁嫩郎，愁断肠，嫁老郎，会思量。

45、老山猪唔怕布壳嘟，嘟唔嘟也铆番薯。

46、耕田唔好误一年，娶妻唔好误一生。

47、闹市做生意，静处可安家。

48、六十六，学唔足。

49、食人一口，报人一斗。

50、猪撑大，狗撑坏，人撑猴精怪。